Islam Makhachev UFC 330da tarixni qayta yozadimi?
Islam Makhachev allaqachon o‘z avlodining eng buyuk jangchilaridan biri sifatida tilga olinadi. Endi esa savol yanada keskinlashdi: u mutlaq “eng zo‘r” maqomiga qadar ko‘tarila oladimi?
Bu savolga javob sari navbatdagi qadam shanba kuni, Filadelfiyada qo‘yiladi. UFC 330 kechasining bosh jangida Makhachev ilk bor yarim o‘rta vazn chempionlik kamarini himoya qiladi va unga qarshi oktagonga Ian Machado Garry chiqadi. Bir tomonda sportning amaldagi pound-for-pound yetakchisi, rekordlar sari intilayotgan chempion. Qarshi tomonda esa o‘zini elita qatorida isbotlashni istayotgan, jasur va balandparvoz da’volarga ega irlandiyalik nomzod.
Makhachev g‘alaba qozonsa, UFC tarixidagi eng uzun g‘alabalar seriyasiga yakka holda egalik qiladi. Bu oddiy statistika emas, meros haqida gap. Har bir jang bilan u o‘z nomini tarix kitoblarida yanada chuqurroq o‘yib yozmoqda. Shunga qaramay, oktagonga qadam qo‘ygan paytda bitta haqiqat o‘zgarmaydi: bitta xato – va hammasi qulashi mumkin.
Shu bois ham ko‘zlar Garryda. U Makhachev yurishiga to‘siq bo‘la oladimi? Yoki bu navbatdagi sinov bo‘lib, chempion yana bir nomzodni “buyuklik yo‘lagidan” chetga surib tashlaydimi? Filadelfiya kechasi aynan mana shu savolga javob beradi.
Co-Main Event
Kechaning dramatizmini oshirayotgan jihatlardan biri – kamar uchun yana bir to‘qnashuv. Co-main eventda Mackenzie Dern va Gillian Robertson chempionlik uchun oktagonda to‘qnash keladi. Bir tarafda parterdagi mahorati bilan tanilgan, tajribali jiu-jitsu ustasi. Qarshisida esa sovuqqonlikni yo‘qotmaydigan, o‘z imkoniyatini kutishni biladigan raqib. Bu jang ham karta og‘irligini sezilarli darajada oshiradi.
UFC 330 atrofidagi barcha savollar, xavotirlar va taxminlar haqida chuqurroq tasavvur olishni istaganlar uchun MMA Fighting sharhlovchilari Jed Meshew va Alexander K. Lee karta bo‘yicha batafsil tahlil taqdim etishdi. Ular Makhachev – Garry qarama-qarshiligini uslubiy jihatdan parcha-parcha qilib ko‘rib chiqishdi, Dern – Robertson jangining taktik ssenariylarini ochib berishdi, tomoshabinlar savollariga javob berishdi.
Endi esa navbat oktagonga. Rekordlar, kamarlar, reytinglar – hammasi bir kechada sinovdan o‘tadi. Makhachev tarixni qayta yozadimi yoki Garry bu ertakni o‘rtasida to‘xtatib qo‘yadimi?
