Newcastle Hall transferiga rad javobi berdi
“Manchester United” chap qanot himoyachisi qidiruvida ilk katta zarbani qabul qildi. Klub maqsadiga aylangan 21 yoshli defender Lewis Hall bo‘yicha “Newcastle” eshikni shartta yopdi.
talkSPORT xabariga ko‘ra, “Old Trafford” rahbariyati yaqinda Hall transferi borasida rasmiy so‘rov yuborgan. Javob esa ko‘p kuttirmadi: “St James’ Park”dan qat’iy rad. “Magpies” INEOS vakillariga yoz faslida futbolchi sotilmasligini ochiq aytgan.
Qiziq tomoni shundaki, ayrim xabarlarga ko‘ra, Hall o‘zi “Manchester United”ga o‘tish fikriga yomon qaramaayotgan edi. Lekin klub pozitsiyasi qimirlamayapti. Taynsaiddagi yangi bosh murabbiy Matthias Jaissle uni o‘z taktik rejalarining ajralmas bo‘ligi deb biladi. Shuning uchun ham rahbariyat Hall atrofida hech qanday savdolashuv bo‘lishini istamayapti.
Transfer bozorida 60 million funt atrofidagi baholar tilga olinayotgan bo‘lsa-da, “Newcastle” hozircha raqam haqida gapirishga ham tayyor emas. Raqiblarni darvozadan qaytarish – asosiy maqsad. Sky Sports xabariga ko‘ra, “United”ning dastlabki murojaati deyarli ikki hafta avvalyo qat’iy rad etilgan.
Vaziyatni yanada qattiqlashtirayotgan jihat bor: “Newcastle” o‘zi ham bozorga chiqib, yana bir qanot himoyachisi qidirmoqda. Demak, mavjud asosiy chap qanotni qo‘yib yuborish – mantiqsiz xavf. Klub ichkarisidagi manbalar Hall bo‘yicha pozitsiyani o‘zgartirish uchun “osmon darajasidagi” taklif kerak bo‘lishini aytmoqda.
Gap shunchaki katta summada emas. Muvaffaqiyatli taklif Angliya oliy ligasida chap qanot himoyachisi uchun rekord bo‘lgan 62 million funtlik belgi ustidan sakrab o‘tishi kerak. Bu raqam 2022 yilda Chelsea Brighton’dan Marc Cucurella’ni olganida o‘rnatilgan edi. Hall uchun esa bundan ham yuqori narx talab qilinishi kutilmoqda.
Shu tariqa, Hall varianti deyarli yopildi. Endi INEOS boshchiligidagi “Manchester United” tezda yo‘nalishni o‘zgartirishi kerak. Transfer oynasi yopilishiga ko‘p qolmadi, klub esa yakuniy tarkib ehtiyojlarini hali to‘liq yakunlab ulgurgani yo‘q.
Navbatdagi nom allaqachon atrofda aylanib yuribdi. Fulham safidagi AQSh terma jamoasi himoyachisi Antonee Robinson “United” uchun real ikkinchi variant sifatida tilga olinmoqda. Endi asosiy savol: “Old Trafford” rahbariyati Robinson bo‘yicha jiddiy hujumga o‘tadimi yoki qolgan yozgi byudjetni markaziy yarim himoyani kuchaytirishga yo‘naltiradimi?
Javob shu oynaning so‘nggi kunlarida butun transfer strategiyasini belgilab beradi.
