Real Madrid ichida Arda Guler va Jude Bellingham o'rtasidagi raqobat
Real Madrid ichida yangi mavsum oldidan eng keskin ichki raqobatlardan biri qizimoqda. Jose Mourinho tizimida “o‘yin miyasi” uchun atigi bitta joy bor, nomzodlar esa atigi ikki nafar: Turkiyaning Arda Guler’i va Angliyaning Jude Bellingham’i.
Bu oddiy taktik tanlov emas. Bu – kelgusi yillarda klubning yuzini belgilab beradigan qaror.
Mbappe ortidagi sahna: kim bosh sahnaga chiqadi?
Ispaniyaning “Mundo Deportivo” nashriga ko‘ra, Mourinho yangi Real Madrid’ni hujumdagi ikkita yarim himoyachi duetiga tayangan holda qurmoqda. Ular Kylian Mbappe ortida, yarim himoya bilan hujum o‘rtasidagi eng muhim ko‘prik bo‘lishi kerak.
Uzoq vaqtgacha bu rol deyarli avtomatik tarzda Bellingham nomiga yozilgandek ko‘ringandi. O‘tgan mavsumdagi portlashi, gol va assistlari, katta sahnadagi sovuqqonligi – barchasi uni asosiy “10-raqam”ga aylantirgan edi.
Lekin yozgi tayyorgarlik bu hisob-kitobni butunlay o‘zgartirib yubordi.
Bellingham kechikdi, Guler esa vaziyatdan foydalandI
Bellingham Jahon chempionatidan keyin mashg‘ulotlarga kechroq qaytdi. Aynan shu bo‘shliq Arda Guler uchun eshikni ochib berdi. U ikkilanmadi.
Yozgi nazorat uchrashuvlarida Guler Real Madrid tarkibidagi eng yorqin futbolchilardan biriga aylandi. To‘p bilan erkinligi, keskin uzatmalari, tor zonalarda tez qaror qabul qilishi – hammasi birgalashib, uni birdaniga spotlight markaziga olib chiqdi.
Mourinho dastlab uni chuqurroq markaziy yarim himoyachi sifatida sinab ko‘rdi. So‘ngra uni hujumkor yarim himoyaga yaqinlashtirdi. Ana shunda turk yulduzi haqiqiy portlashni amalga oshirdi.
Kutilganidan ham balandroq darajada o‘yin ko‘rsatdi. Har bir daqiqasi bilan murabbiy qarorini murakkablashtirdi. Endi navbatdagi savol aniq: bu shakldagi Guler’ni zaxiraga tushirib bo‘ladimi?
Birinchi tur: Guler uchun imkon, Bellingham uchun sinov
Oxirgi signallar shuni ko‘rsatmoqda: 22-avgust kuni Espanyol’ga qarshi liga ochilish uchrashuvida start tarkibida Arda Guler chiqishi kutilmoqda.
Bu esa Bellingham uchun aniq signal. Uning Real Madrid’dagi maqomi endi avtomatik emas. Maydondagi har bir daqiqasini qayta isbotlashga to‘g‘ri keladi. Murabbiy qarorini o‘zgartirish uchun mashg‘ulotlarda ham, o‘yinlarda ham boshqa darajada ishlashi kerak bo‘ladi.
Mourinho esa hozircha sovuqqon: kim formadA bo‘lsa, o‘sha o‘ynaydi. Hozircha bu maqom Guler tomonida.
Madridda esa bitta savol allaqachon kun tartibiga chiqib bo‘ldi: Mbappe ortida sahnaga qaysi ism doimiy yoziladi – Arda Guler yoki Jude Bellingham?
